Ish-kryeministri Sali Berisha së bashku me bashkëshorten e tij i janë drejtuar kutisë së votimit, në shkollën ‘Kosova’, ndërsa të dy shihen duke respektuar rregullat anticovid.
Berisha është pritur me ovacione nga qytetarë të shumtë, të cilët i janë afruar për ta takuar.
Ish-Kryeministri theksoi se fitorja po bëhet çdo sekondë, çdo minutë, çdo orë më e bukur dhe më e fuqishme.
“Fitorja ka fytyrën dhe bukurinë e kësaj dite të bekuar. Ftoj me këtë rast çdo qytetar, të firmosë ditën e sotme një fitore madhështore për Shqipërinë dhe shqiptarët. Të votojë për sakrificat e tij, për familjen, për fëmijët, për nipërit, për emigrantët që një regjim në largim i bllokoi, u shpiki karantinën si një mjet politik për të mos lejuar votën e tyre.
Të votojë për të gjithë ata që i thonë lirisë liri dhe Shqipërisë Shqipëri. Rroftë fitorja. Deri tani votimi po ecën i sigurtë drejt fitores, megjithë përpjekjet e përplitjet antiligjore, të pamoral, të ikanakëve. Fitorja po bëhet çdo sekondë, çdo minutë më e madhe e më e fuqishme.”, deklaroi Berisha.
