Erion Veliaj dhe bashkëshortja e tij Ajola Xoxa u pritën në qendrën e votimit nga disa të moshuar që prisnin në radhë për të votuar. Duket se ata e prisnin që kryebashkiaku i rrethuar nga kamerat mund të hynte në radhë dhe ia kanë bërë të qartë që po prisnin aty.
“O shokë si jeni? Unë jam te gjashta, jo te pesa”,- u tha Veliaj, ndërsa njëri prej të moshuarve që priste në radhë iu përgjigj “Edhe ne te gjashta jemi”.
“Atëherë do të presim të gjithë bashkë” dëgjohet të thotë kryetari i Bashkisë së Tiranës në shenjë respekti.
Por kaluan pak sekonda dhe sapo kamerat u bënë gati në korridoret e qendrës së votimit, Veliajt i bënë shenjë që mund të futej dhe ai ashtu bëri, duke shpërfillur qytetarët që prisnin në diell.
