Nënkrytetari i LSI-së, Petrit Vasili i është përgjigjur me tone të ashpra ministres së Shëndetësisë, Ogerta Manastirliu, pas thirrjeve të kësaj të fundit drejtuar qytetarëve që të bëjnë zgjedhje të zgjuar duke votuar PS-në.
Ai kërkoi që ajo të mos shfaqet më në ekran dhe të mos vijojë provokimet. Sipas tij, ajo është përgjegjësja pse mijëra emigrantë sot nuk kanë të drejtë vote.
“Manastirliu si çirake e gërmadhës Edi Rama, të largohet nga ekrani e të mos provokojë më tej, se boll i ka mashtruar shqiptarët. Manastirliu ka “meritë” vetëm se: 1.Fshehu 10 mijë vdekje nga të gjithë qytetarët shqiptarë nga Covidi. 2.Nuk u dha asnjë lek për ilacet e shërbimet mjeksore për Covid qindra mijra shqiptarëve, që janë zhytyr në borxhe deri në grykë për shkak të saj. 3.Qytetarët me Covid nuk i la as të votojnë dhe i privoi nga vota. 4.Mijëra Emigrantë i la pa votuar duke shpikur karantinat e turpit. Ndaj mbylle gojen ti me gjithë gërmadhën Rama se jua shpifët të gjithëve”,- tha Vasili.
