Në burgun e Rrogozhinës janë rreth 70 të dënuar që do të ushtrojnë të drejtën e tyre për të votuar. Si mjedis për të kryer këtë proces është përshtatur dhoma e takimit me familjarët.
Pjesa tjetër e të burgosurve nuk do të mund ta ushtrojnë të drejtën e votës për shkak se preken nga ligji i dekriminalizimit.
Në gjithë sistemin rezultojnë rreth 2600 të dënuar që do të mund të votojnë në këto zgjedhje dhe rreth 1600 të tjerë që nuk do të mund ta ushtrojnë këtë të drejtë për shkak të veprave të rënda penale që kanë kryer.
Ndërkohë komisioni brenda burgut pret vendime të Gjykatës duke qenë se ka të dënuar që nuk e kanë gjetur emrin në listë dhe është Gjykata e rrethit ajo që do të përgjigjet për këtë deri në gjashtë orë para mbylljes së votimeve.
