Ora 19:00 ka sjellë edhe mbylljen e orarit zyrtar të votimit në vend.
3,588,869 shtetas shqiptarë kanë pasur të drejtë vote.
Sipas të dhënave të KQZ-së, deri në orën 18, pjesëmarrja në votime ka qenë 45.46 përqind.
Referuar të njëjtit burim, të dhënat bazohen nga raportimet që janë kryer në KQZ nga 1689 qendra votimi – nga 5199 që janë në total.
Pas përfundimit të orarit zyrtar të votimit, kryetarja e LSI-së Monika Kryemadhi shpalli fitoren e opozitës.
“Urime! Fitorja është e jona”. Tani mos lëshoni asnjë milimetër, ta çojmë deri në fund procesin pa provokime duke numëruar edhe votën e fundit”, shton Kryemadhi në një reagim në rrjetet sociale.
Nga PD dhe PS ende nuk ka pasur reagim.
