Ambasadorja amerikane Yuri Kim, dhe ai i Britanisë së Madhe, Duncan Norman, kanë ndjekur ecurinë e procesit zgjedhor përkatësisht në qarqet Shkodër dhe Durrës.
Në një komunikim për mediat ambasadorja ritheksoi se SHBA nuk mbështet asnjë kandidat apo parti, duke shtuar se shqiptarët duhet të shkojnë drejt kutive të votimit të lirë dhe larg çdo lloj ndërhyrjeje.
Ndërkohë, diplomati britanik nga qyteti i Durrësit ka deklaruar se në terren janë dërguar nga ambasadat 60 grupe, të cilat po ndjekin nga afër procesin e votimit.
Në një deklaratë për mediat nga Durrësi, ai u shpreh se deri më tani nuk kanë hasur probleme.
Sakaq, Ducan i bën thirrje qytetarëve të shkojnë të votojnë.
Ndërkohë deri më tani kanë shprehur vullnetin e votës, kryetarja e LSI-së Monika Kryemadhi, Presidenti i Republikës Ilir Meta, si edhe kryetari i Partisë Demokratike Lulzim Basha.
Gjithashtu kryeministri i Kosovës Albin Kurti ka votuar në qendrën e votimit kopshti nr. 31, në zonën e ish-Bllokut në Tiranë.
