Dinamo mori një fitore shumë të rëndësishme ditën e sotme, teksa mposhti minimalisht rivalin direkt për t’u ngjitur në Superiore.
Gëzimi te dinamovitët për këtë fitore ishte i madh, teksa kjo është shfaqur edhe në dhomat e zhveshjes. Pas përfundimit të ndeshjes, presidenti Marko Pontreli, është bashkuar me skuadrën, ku ka shpërthyer festa.
Në videon e publikuar nga gazetari, Artan Hoxha, shihen lojtarët dhe stafi i Dinamos, teksa këndojnë dhe kërcejnë në dhomat e zhveshjes, aty ku nuk mungojnë as brohoritjet.
Kryeqytetasit janë shumë afër ngjitjes në Kategorinë Superiore, teksa kryesojnë renditjen në grupin A me 41 pikë, 4 më shumë se Burreli i vendit të tretë dhe 2 më shumë se ndjekësit e Korabit.
Hajde djema se edhe 3 ndeshje kane mbetur.
Skuadra dhe stafi i Dinamos, duke festuar në dhomat e zhveshjes pas fitores se sotme me Burrelin në stadiumin “Dinamo”…Posted by Artan Hoxha on Saturday, 24 April 2021
