Ministria e Brendshme njofoi sot se nga nga Drejtoria e Standardeve Profesionale ka nisur hetimi ndaj shefit të Komisariatit të Divjakës, pas denoncimit të dhunës nga një qytetare, e cila përfundoi në spital me fraktura, pasi po filmonte një takim elektoral të PS, në ditën e heshtjes zgjedhore.
“Nën drejtimin e Prokurorisë, SHÇBA po kryen veprime hetimore mbi gjithë rrethanat.
Ndërkohë, me urdhër të Drejtorit të Përgjithshëm të Policisë së Shtetit, ka nisur një hetim administrativ nga Drejtoria e Standardeve Profesionale.
Në fund të gjithë veprimeve hetimore administrative dhe verifikimeve të tjera nën drejtimin e Prokurorisë, do të bëhen publike rezultatet dhe masat e marra mbi rastin.
Policia e Shtetit mbetet e angazhuar për të përmbushur çdo detyrim ligjor, për të garantuar një proces zgjedhor të lirë e të qetë, si dhe rend e siguri publike”, thuhet në njoftimin zyrtar.
