Stadiumi i Laçit nuk është licencuar për ndeshjet e Europës. Edhe pse i kategorisë së dytë në renditjen e UEFA për stadiumet, Laçi do duhet të luaj larg shtëpisë sfidat nëse ia del të marrë pjesë në Europë.
Për Rtsh, kreu i licencimeve në FSHF, Eduart Gjini ka bërë me dije se stadiumi i Laçit nuk i plotëson kushtet dhe kjo ka lidhje me ndriçimin.
“UEFA në vendimin që ka marrë së fundmi, ka përcaktuar që stadiumet që marrin pjesë në aktivitetet ndërkombëtare, duhet të jenë të kategorisë së dytë, me ndriçim. Të kësaj kategopria janë edhe ai i Laçit, apo edhe të tjerë. Në Shqipëri i vetmi stadium i kësaj kategorie që ka marrë licensimin është ai “Niko Dovana”, i Durrësit”, tha Eduard Gjini.
Kështu, nëse Laçi luan në Europë do duhet të luajë në një nga stadiumet e tjera në vend, në Shkodër, Elbasan, Tiranë apo Durrës.
