Kanë përfunduar ndeshjet në grup të Kupës së Shqipërisë në basketboll për femra, duke përcaktuar edhe 4 ekipet gjysmëfinaliste. Ndeshjet e kësaj faze u luajtën për 10 ditë me radhë në Durrës, në mjediset e Akademisë “Dhimitraq Goga”
Partizani e mbylli këtë fazën në vendin e parë, duke i fituar të gjitha ndeshjet. Në sfidën e fundit, të kuqtë mposhtën 74-62 Sh.K.B.Tiranën, në një takim të dominuar nga basketbollistet e trajneres Çamishi.
Përballë Partizanit në gjysmëfinale do të jetë Tirana, që sot mposhti me vështirësi 72-69 Studentin në derbin kryeqytetas. Në ndeshjen e tretë të luajtur sot, Flamurtari mundi pa shumë vështirësi 72-35 Vllazninë e vendit në fundit. Në gjysmëfinale, vlonjatet do të përballen me Sh.K.B.Tiranën.
Kupa e Shqipërisë – Femra
Dita e 5-të
Studenti – Tirana, 69-72
Partizani – Sh.K.B.Tirana, 74-62
Vllaznia – Flamurtari, 35-72
Renditja: Partizani 10 pikë, Flamurtari 9 pikë, Sh.K.B.Tirana 8 pikë, Tirana 7 pikë, Studenti 6 pikë, Vllaznia 5 pikë.
Gjysmëfinale, 28 prill
Partizani – Tirana
Flamurtari – Sh.K.B.Tirana
