Një lajm i trishtë ka ardhur nga Amerika, ku basketbollisti Terrence Clarke ka ndërruar jetë në moshën 19 vjeçare pas një aksidenti me makinë.
Clarke dyshohet se po lëviztë me shpejtësi të madhe në momentin e aksidentit, ku ka goditur një makinë për tu përplasur më pas në shtyllën e semaforëve. Sipas policisë shkak i vdekjes është bërë mungesa e rripit të sigurimit nga basketbollisti 19 vjeçar.
Clarke cilësohej si një ndër talentet me të ardhme te ndritur në basketboll dhe aktivizohej për skuadrën e Kentucky në kampionatin e kolegjeve. Vetëm një ditë më parë, i ndjeri, kishte firmosur kontratë me “Klutch Sport Group” në pronësi të Rich Paul, agjentit të LeBron James, Anthony Davis e shumë yjeve të tjerë të NBA.
Terrence Clarke po përgatitej për “Draft Day” për tu përzgjedhur në NBA gjatë verës, por fatkeqësisht ëndrra e tij u pre në mes.
