Partizani do të luajë të shtunën kundër Kukësit në kuadër të javës së 29-të të Superiores. Ky takim është mjaft i rëndësishëm për të kuqtë për të vijuar rrugën e duhur drejt titullit kampion.
Trajneri Ilir Daja ka gjetur sulmuesin që i mungonte prej kohësh, pikërisht Stenio Junior.
Sulmuesi brazilian po finalizon siç duhet dhe kjo ka sjellë qetësi në stafin teknik të kryeqytetasve. Dy gola në dy ndeshjet e fundit janë shifra të një 9-shi tipik, megjithëse në rolin natyral Junior nuk është i tillë.
Dy ditë para takimit me Kukësin, ai ka bërë një postim në rrjetet sociale duke treguar axhendën e sfidës, në të cilën shkruan: “Shkojmë”, duke kërkuar në këtë mënyrë triumfin e radhës.
