Moderatorja Fjoralba Ponari na ka shoqëruar prej disa vitesh në ekran dhe tashmë është kthyer në një prej personazheve më të dashur për publikun. Filimet e saj kanë qenë në “The voice of Albania”.
Ndjekësit e saj kanë vënë re një “çoroditje” të çuditshme për disa kohë në look-un e veshjet e Fjoralbës në ekran. Në fakt, as ajo vetë s’e ka dashur diçka të tillë, por e kanë “detyruar” t’i përshtatet rregullave të formatit në të cilin është ndodhur.
“Është e vërtetë! Kur nisa punën si moderatore, më është thënë vazhdimisht që duhej t’i përshtatesha në veshje një formati të caktuar, që unë s’e gjeja veten fare, ndryshe nga ai që unë preferoja! Dhe kam bërë zgjedhje skandaloze në look në të kaluarën. Por nejse, të shkuara të harruara. E mira është që me kalimin e viteve, rigjeta veten në stil dhe në tv kam gjetur të mesmen e artë mes asaj që pëlqej dhe asaj që funksionon në tv”, ka shkruar Fjoralba pa dhënë më shumë detaje.
