U bë 5 muaj nga vdekja e legjendës argjentinase, Diego Maradona, teksa është pothuajse e paqartë arsyeja e vdekjes së tij.
Mjekët që kuruan Maradonën janë në akuzë për vrasje të qëllimshme, ndërkohë dhe familja e tij ka akuzuar se Maradona u eliminua qëllimisht.
Kjo ka çuar televizonin e madh argjentinas ’’TN’’ që të bë një dokumentar në lidhje me vdekjen e mistershme të Maradonës.
Sipas ’’Corriere dello Sport’’ në dokumentar do të ketë dëshmi të padëgjuara më parë si kirurgu i lagjes San Andres i cili u përpoq t’i shpëtonte jetën, polici i parë që mbërriti në vendngjarje, partneri i cili ndiqte rehabilitimin e tij kundër alkoolit dhe masazhatori që e ndihmonte në terapitë e tij.
Dokumentari do të titullohet ’’E vërteta për vdekjen e Maradonës’’ dhe pritet të shfaqë mjaft interes.
