Legjenda e Mançester Junajtid, Rajan Gigs është pezulluar nga detyra si trajneri i Uellsit pas akuzave se vitin e kaluar ka dhunuar fizikisht ish-të dashurën e tij dhe motrën e saj.
Vendimi u mor nga federata uellsiane e futbollit, dhe Gigs humbet kështu Kampionatin Europian me skuadrën e Uellsit, duke mos e shijuar kualifikimin për në kompeticion pas 2 viteve si trajner në krye të tyre.
Gigs do të dalë para gjykatës të Mançesterit në datën 28 prill dhe pritet të marrë dënim të ashpër. Pas caktimit të gjyqit të tij, federata e futbollit në Uells e pezulloi ish-mesfushorin duke vendosur në vendin e tij Robert Pejxhin i cili mbante rolin e asistentit të Gigsit.
