Partizani-Kukësi është një nga supersfidat e Superiores, e programuar të luhet në fundjavë. Të kuqtë vijojnë përgatitjen për këtë 90 minutësh me gjendjen e lojtarëve që është e mirë. Trajneri Ilir Daja ka marrë lajmin e mirë, ku për këtë takim do ketë të gjithë lojtarët në dispozicion.
Fakti që kryeqytetasit nuk do kenë asnjë mungesë, shton akoma më shumë optimizmin. Partizani është në luftën për titullin kampion në elitën e futbollit shqiptar, ku pas 28 ndeshjesh, ka grumbulluar 50 pikë.
Vendi i parë është vetëm 2 pikë larg, ndërsa jemi në një fazë vendimtare të sezonit. Rivalët janë të shumtë dhe vetëm njëra në fund do ia dalë të ngrejë lart trofeun.
