Rreth 4.3 ton kanabis janë sekuestruar sot në portin e Pireut në Greqi. Sipas mediave greke, droga e kishte origjinën nga një vend në Lindjen e Mesme me destiancion Sllovakinë.
Në 14 prill kontejneri kishte ardhur nga Libani, tranzit në Greqi me destinacion final Bratislavën.
Lënda narkotike ishte fshehur mes disa pajisjeve. Droga ishte e ndarë në 129 pako me lëndë narkotike të përpunuar dhe 282 të pa përpunuar. Nëse droga do të dilte në treg vlera do të shkonte rreth 33 milionë euro.
