Kanë mbërritur në magazinat e Komisionit Qendror të Zgjedhjeve fletët e votimit të 12 qarqeve të cilat u prodhuan në Slloveni.
Pas kryerjes së procedurave do të nisë më vonë gjatë ditës dhe shpërndarja e tyre nëpër të gjithë KZAZ për të qenë gati për zgjedhje parlamentare të së dielës, ndërsa dhomat e fshehta dhe materialet e tjera zgjedhore janë shpërndarë një javë më parë.
Materialet zgjedhore do të shpërndahen me mjete të ushtrisë, të cilat shoqërohen dhe nga makina të Policisë së Shtetit. Procesi po monitorohet dhe nga përfaqësues të Komisionit Qendror të Zgjedhjeve.
