Ish-konkurrentja e “Për’puthen”, Melisa Lleshi, prej disa kohësh i është futur muzikës. Melisa ka paralajmëruar së fundmi fansat për projektin e saj të radhës. Kësaj radhe, Melisa do të vijë në bashkëpunim me këngëtarin e njohur Irkenc Hyka.
Në profilin e saj në “Instagram”, ajo ka publikuar një fotografi të shkëputur nga videoklipi i këngës, krahas së cilën ka shkruar “E ti po m’don A”. Shkronjën “A” e ka shoqëruar me një emoji zemër.
Ky gjest ka sjellë menjëherë reagime te ndjekësit, të cilët thonë njëzëri “Andi” dhe mesa duket ish-konkurrentja nuk po e fsheh dot më.
“Ai Astriti djalë i mirë”- shkruan Irkenci, ndërsa Andi i përgjigjet: “Po Festim dhe unë këtë mendim kam”.
