Në magazinat e Komisionit Qendror të Zgjedhjeve kanë mbërritur fletët e votimit të 12 qarqeve, të cilat u prodhuan në Slloveni.
Pas kryerjes së procedurave, gjatë ditës do të nisë dhe shpërndarja e tyre nëpër të gjithë KZAZ për të qenë gati për zgjedhje parlamentare të së dielës, ndërsa dhomat e fshehta dhe materialet e tjera zgjedhore janë shpërndarë një javë më parë.
Materialet zgjedhore do të shpërndahen me mjete të ushtrisë, të cilat shoqërohen dhe nga makina të Policisë së Shtetit.
Procesi po monitorohet dhe nga përfaqësues të Komisionit Qendror të Zgjedhjeve.
