Lëvizja Socialiste për Integrim denoncon se Bashkia e Fierit ka hequr banerat e LSI-së në territorin që bashkia ka në administrim. Kandidatja e LSI-së, Kejdi Mehmetaj ka ndarë një video-live, ku shfaqet pranë zyrave të Bashkisë, aty ku po presin një përgjigje nga krerët e institucionit për arsyet e veprimit.
Mehmetaj shkruan se kjo që po bëhet është e padrejtë pasi kanë një kontratë të nënshkruar midis palëve. Mehmetaj ndodhet jashtë zyrës së kryetarit të bashkisë së Fierit Armando Subashi për të kërkuar llogari mbi aktin e bërë. Ajo qëndron pas zyrës, aty ku shihen forca policie që qëndrojnë në gatishmëri.
Sipas LSI, heqja e banerave është bërë, pasi Rama do të vizitojë Fierin.
