Një plagosje me thikë ka ndodhur këtë të Mërkurë në Krumë të Hasit.
Sipas policisë, një i ri është qëlluar me thikë nga i vëllai, në vazhdën e një sherri në familje.
I lënduari është jashtë rrezikut për jetën, ndërsa autori është arrestuar.
Dhunonte të ëmën, plagoset me thikë nga i vëllai
Policia njoftoi se, rreth orës 07:55, në spitalin e qytetit Krumë ka shkuar i plagosur me mjet prerës shtetasi S. H., rreth 27 vjeç, banues në qytetin e Krumës.
Nga intervistimi paraprak, ai ka pohuar se ishte vetëplagosur në banesën e tij.
Menjëherë grupi hetimor ka filluar hetimet dhe ka rezultuar se shtetasi S H. ishte plagosur me mjet prerës thikë nga vëllai i tij, shtetasi R.H., pasi dhunonte të ëmën.
Shërbimet e Policisë janë vënë në ndjekje të autorit, duke e arrestuar. R. H. shoqërohej së bashku me shtetasin G.B. në momentin e ndalimit.
Gjatë kontrollit fizik, shtetasit G. B. iu gjet dhe sekuestrua mjeti prerës (thikë), me të cilin dyshohet se është plagosur 27-vjeçari.
R.H. dhe G.B. janë shoqëruar në Komisariatin e Policisë Has, për veprime të mëtejshme.
