Belind Këlliçi, kandidat për deputet i PD në Qarkun e Tiranës, denoncoi sot atë që e konsideron si shpërdorim flagrant i detyrës dhe fshehje e provave materiale nga një prej zyrtarëve të Policisë së Tiranës, lidhur me pakot me ushqime dhe zarfat që iu bllokuan në automjet zyrtarëve të Rilindjes.
“Islam Haka, shefi i krimeve në Komisariatin 6, gjatë këqyrjes së automjetit me targë AA043EC, ka lejuar heqjen e provave materiale brenda ambienteve të komisariatit.
Ky automjet u kap sot në flagrancë me pako ushqime të Bashkisë Tiranë dhe një sërë dokumentesh pronësie (çertifikata, vërtetime banese, deklarata për përfshirje në procedura legalizimi, dhe lista të zgjedhësve), në tentativë për shit-blerje të votës.
I bëj thirrje SPAK të fillojë urgjentisht hetimet!
Lexojeni mirë! Dëgjojeni mirë!
Jemi të gjithë në këmbë për të mbrojtur votën e lirë!
Kush guxon të blejë shqiptarët, nga shqiptarët do e gjejë fundin!”, shprehet Këlliçi.
