Presidenti Ilir Meta ka komentuar ngjarjen e sotme në Elbasan, ku mbeti i vrarë aktivisti i PS, Pjerun Xhuvani dhe u plagosën katër të tjerë.
I ftuar në një medie lokale në Elbasan, Meta tha se situata është kritike, ndërsa i ka shprehu ngushëllimet familjes së viktimës. Kreu i shtetit ka bërë thirrje për rikthimin në normalitet dhe policia të zbardhë sa më shpejt ngjarjen.
“Situata është tepër kritike, mjafton të shohim sa krime janë bërë në këto katër ditët e fundit. Për fat të keq dhe Elbasani i dijes, i kultures, i qytetarise është kthyer ne një nga qytetet problematike. Kjo situatë vjen si rezultat i policisë dhe të prokurorisë që janë të njëanshme dhe kjo është mëse e dukshme sepse njerëz të caktuar ecin të armatosur. I shpreh ngushëllimet e mia familjes se viktimes dhe shpresoj për shërimin sa më të shpejt të te lënduarve. Unë bëj thirrje për rikthimin në normalitet dhe të mos ndodhi më situata të cilat përfundojnë me tragjedi. Policia e shtetit të zbardhi sa më shpejt krimin e ndodhur dhe të vihen përpara drejtësisë personat që kanë bërë këtë krim,” deklaroi Presidenti.
I pyetur se kë zgjedh mes Taulant Ballës dhe Gazmend Bardhit, Meta zgjodhi këtë të dytin. Sipas kreut të shtetit, Balla çdo situatë në Elbasan.
“Midis zotit Balla dhe zotit Bardhi do të doja që të zgjidhja zotin Bardhi, sepse Ballën e njoh që kur ka erdhi në Partinë Socialiste.Taulanti kontrollon çdo situatë në Elbasan, është kryepatronazhisti i Elbasanit sepse nga ai kalon çdo tender, kontrollon çdo biznes dhe individ,” deklaroi Meta.
