Ish-kryeministri, Sali Berisha ka publikuar këtë të martë një video ku shihen qytetarë të cilët kapin në flagrancë persona që janë përfshirë në blerje votash.
Në video duket se si qytetarët, në një qytet në veri të vendit, ndalojnë një makinë ku brenda saj kapin lista me emra votuesish që kanë trafikuar votën si dhe fletë votimi.
Në video shihet sesi bashkë me blerjen e votave është shënuar dhe mënyra sesi duhet të votohet në fletën e votimit për parti të mazhorancës.
“Kapen në flagrancë nga qytetarët guximtarë, kriminelët trafikantë të votave! Ju lumtë”, shkruan Berisha në videon e publikuar.
