Ndriçim Jonuzi, i cili plagosi ditën e djeshme në zyrat e PD-së, Bledar Okshtunin ka folur nga arratia.
Ai ka thënë se ngjarja nuk ka lidhje me politikën.
“Lul Basha më ka cilësuar socialist dhe nuk me vjen mirë fare me mi humb që të gjitha ato sakrifica gjithë jetën timë për PD, vetëm me e shrytëzu këtë rast për fushatë. Të filste me gjithë të PD-së së vjetër jam apo nuk jam socialist un. Kam rreziku jetën, kam rreziku kokën. Kam bo shum me tëpër sakrifica për PD”, thotë Jonuzi në një video të postuar në FB.
Më tej. Jonuzi sqaron se gjithçka ndodhi nuk ka të bëjë me politikën por për shkak se, sipas tij, personat me të cilët u konfliktua i kishin zënë rrugën një nënë me shami dhe pasi ky i kishte kërkuar llogari ata u sollën në mënyrë arrogante.
“Padyshim që nuk jam krenar për atë që kam bërë, si besimtar që jam zoti të më falë, nuk ka lidhje me sulme politike, të gjithë e dinë atë që ndodhi dje në xhaminë Dine Hoxha, ne e ndjejmë si për vete, si besimtarë që jemi, na kujtohet ajo e Zelandës së re, ku u vranë vëllezërit dhe motrat tona. Kur pashë këtë mistrecin që i zuri vendin një plaku me thinj dhe një nëne me shami, Mir Gjocin që i ka flokët me thinja, shkoi për iftar te roptë e vetë, dolën dy horra që i kanë buzët me qumësht, thjesht i kam fol ‘hape rrugën’, megjithatë më vjen keq për të ëmën e atij, si për plakën time, ndodhi. Vëllezër ma bëni hallall për shqetësimet, Çim Jonuzi i ka mbaruar punët me PD-në, nuk më intereson asnjë prej partive“, thotë Jonuzi.
