Presidenti Ilir Meta ka reaguar në lidhje me përgjimin e Artan Lames, për materialin audion që shpaloset qartë se si administrata shtetërore po përdor procesin e legalizimeve në funksion të fushatës elektorale të Partisë Socialiste.
Në një postim që ka bërë në rrjetet sociale, shkruan se ky është një përgjim tronditës, teksa shton se pret që drejtësia të reagojë edhe të nisë hetimet.
Po ashtu kreu i shtetit i ka bërë thirrje policisë të bëjë kujdes dhe të ndalë përpjekjet për manipulimin e provave të flagrancës të krimit zgjedhor.
“Një audio-përgjim tronditës, që provon se për “Rilindjen” shqiptarët janë “mish për top”, ndërsa zyrat e shtetit, që paguhen me taksat tona, janë kthyer në strofulla të fuksave, banditëve, të korruptuarve, shkelësve të ligjit dhe “taksidarëve” të biznesit kriminal të votës. Pres nga Drejtësia të zgjohet dhe të nisë menjëherë hetimet për këtë skandal të rëndë, që meriton ndëshkim. I bëj thirrje Policisë së Shtetit, të bëjë kujdes dhe të ndalë përpjekjet për manipulimin e provave të flagrancës të krimit zgjedhor. Mos e detyroni popullin të arrestojë të paudhët”, shprehet Meta.
Lexo edhe:
