Refrenin “Rilindas” – “këto ndodhin edhe nëpër botë”, kryeministri Edi Rama e përdori sërish këtë të Martë teksa fliste për çështjen e patronazhistëve.
Në një takim elektoral në kryeqytetet, ai sfidoi dhe Presidentin Ilir Meta, që nëse ka prova për paligjshmëri për këtë çështje, ti depozitojë në organet e hetimit.
“Ti çojnë te organet e hetimit ato USB-rat, e di pse nuk i çojnë?! Se to që dalin rrugëve janë të dhëna të gatuara tjetërkund, këtë e di çdo patronazhist i PS”, tha Rama.
“Unë se mohoj, por e pohoj që kjo parti pa patronazhisët s’do ishte kjo që është sot. Dhe pa ata s’do ishte as Partia Demokratike e Republikane në SHBA dhe çdo parti e madhe europiane. Kanë emra të ndryshme, por bëjnë të njëjtën gjë. Japin e marrin me qytetarë dhe shënojnë perceptimin e njërit apo tjetrin. Jam shumë krenar për patronazhistëte PS, për ata që na ndihmojnë”, shtoi ai.
