Mbretëresha Elizabeth II ka vendosur të mos e festojë ditëlindjen e saj këtë vit (më 21 prill) për shkak të vdekjes së princit Philip, shkruan revista People.
Princi Philip ndërroi jetë më 9 prill 2021 në moshën 99-vjeçare dhe u varros fundjavën e kaluar, ndërsa e gjithë familja mbretërore u mblodh për lamtumirën e fundit. Princi Harry erdhi pa gruan e tij, Meghan Markle, e cila nuk mund të udhëtonte jashtë Shteteve të Bashkuara të Amerikës për shkak të shtatzënisë së saj.
People shkruan se princi Harry synon të qëndrojë në Mbretërinë e Bashkuar gjatë ditëlindjes së Mbretëreshës, si dhe për disa ditë pas kësaj.
