Partizani fitoi 3-1 me Kastriotin në “Air Albania”. Të besuarit e Ilir Dajës përmbysën krutanët, që kaluan të parët në avantazh. Një ndër më të mirët në fushë për të kuqtë ishte edhe Jasir Asani, që tundi sërish rrjetën në të 85 minutë.
Shkupjani ka treguar formë të mirë këtë sezon, ndërsa kontrata me të kuqtë skadon në fundin e këtij kampionati. Edhe pse Ilir Daja edhe në rolin e menaxherit të skuadrës ka bërë me dije se 70 përqind e lojtarëve do rinovonin me klubin, diçka e tillë nuk është njoftuar. Kësisoj, golashënuesi më I mirë I të kuqve këtë sezon me shtatë gola rrezikon të largohet falas, me ofertat që nuk mungojnë për 24 vjeçarin.
