Gjashtë mandate deputeti janë pritshmëritë e Tom Doshit për Partinë Social Demokrate në zgjedhjet e 25 prillit. Veç Tiranës, e Shkodrës, ai thotë se synimet janë për 1 deputet në qarkun e Korçës ku garon Julian Kodra.
“Ne të sigurta sot kemi 2 mandate në Shkodër, 3 në Tiranë por pritshmëria është shumë e madhe në Tiranë sepse pritshmëria është tek elektorati gri,” tha ai.
Doshi tha se kandidatët e PDS-së janë njerëz që qëndrojnë pranë elektoratit në çdo kohë, ndërsa rivalët, sipas tij, janë të përçarë.
“Në këtë rast ne jemi vetëm, nuk bashkëpunojmë me asnjë forcë tjetër politike, deri pas 27 prillit që të numërohen votat,” tha ai.
Doshi nuk pranoi që të bëjë komente për rolin e Presidentit në fushatën zgjedhore.
“Nuk bej komente për Presidentin,” u shpreh Doshi.
Kujtojmë se ambasadorja amerikane ka kërkuar moslejimin e kandidimit të Tom Doshit në zgjedhje. Nga ana tjetër, prokuroria ka nisur hetime për të, për dyshime se preket nga ligji i Dekriminalizimit.
Tom Doshi garon në Tiranë dhe në Shkodër nën siglën e PSD.
