Instituti Kombëtar i Shëndetësisë Publike në Kosovë (IKSHPK) ka regjistruar të Hënën 14 viktima me koronavirus.
“Rastet e vdekjes janë nga komunat: Podujevë 3 raste (80, 75, 73 vjeç), Deçan 1 rast (58 vjeç), Gjakovë 1 rast (67 vjeç), Gjilan 1 rast (76 vjeç), Lipjan 1 rast (74 vjeç), Mitrovicë 1 rast (78 vjeç), Obiliq 1 rast (63 vjeç), Prishtinë 1 rast (69 vjeç), Prizren 1 rast (66 vjeç), Shtime 1 rast (66 vjeç), Suharekë 1 rast (83 vjeç), Viti 1 rast (83 vjeç)“, thuhet në njoftim.
Sipas këtij institucioni, në 24 orët e fundit janë regjistruar 277 raste të infektimit me këtë virus, pas testimit të 2,047 mostrave.
IKSHPK-ja ka njoftuar se më 19 prill janë shëruar 411 pacientë nga sëmundja COVID-19, që shkakton koronavirusi, derisa raste aktive janë 12,285.
Prej 13 marsit, kur janë regjistruar rastet e para të infektimit, autoritetet shëndetësore në Kosovë kanë regjistruar 101,794 pacientë me këtë virus.
Prej tyre 2,086 kanë vdekur.
