Atalanta thyen Juventusin, me rezultatin 1-0. Vendasit ia dolën të fitonin në Bergamo kundër kampionëve në fuqi, duke siguruar një trepikësh fantastik dhe tepër të rëndësishëm për objektivin Champions League.
Golin e fitores e realizoi Ruslan Malinkovsky në minutën e 87-të. Ukrainasi gjeti rrjetën falë një goditje potente, por pati edhe fat pasi topi u devijua nga Alex Sandro. Vendi i tretë në renditje për ekipin e Berat Gjimshitit (titullar si gjithmonë).
Mungesa e Cristiano Ronaldos ndikoi te bardhezinjtë e Pirlos, që mund të zbresin në vend të pestë nëse Napoli fiton në mbrëmje kundër Interit. Lazio vazhdon të mbetet në garë për një biletë në Champions League.
Në ndeshjet e tjera, Lazio fitoi me rezultatin 5-3 ndaj Beneventos, ndërsa Bologna likuidoi Spezian me rezultatin e thellë 4-1.
