Atletico Madrid mposhti me rezultatin e thellë 5-0 Eibarin dhe vazhdon të kryesojë kampionatin spanjoll. Miqtë rezistuan mirë deri në minutën e 42-të, moment kur Angel Correa gjeti golin e avantazhit.
Argjentinasi nuk u ndal dhe dyfishoi dy minuta më vonë, duke qetësuar shokët e skuadrës. Pushimi i ndeshjes karikoi edhe më shumë ekipin kryeqytetas, që realizoi edhe tre gola të tjerë në fraksionin e dytë të ndeshjes.
Yanick Carrasco trefishoi përpara se Marco Llorente të kompletonte triumfin me “manita” me një dygolësh. Një fitore e rëndësishme për “Colchoneros”, të cilët po luftojnë me Real Madrid dhe Barcelonën për trofeun e madh.
