Presidenti Ilir Meta shprehu shqetësim për përdorimin e të dhënave të qytetarëve nga Partia Socialiste për zgjedhjet parlamentare dhe kërkoi hetim nga prokuroria.
Në një deklaratë të mediat, Presidenti tha se do bëjë një kallëzim me “prova serioze” për këtë çështje.
Patronazhistët, Meta i quajti “fuksa”, ndërsa tha se sistemi që po përdor PS është si ai i Gestapos, në Gjermaninë naziste.
“Prisja që dikush të ishte në burg se si të dhënat e çdo shqiptari janë shpërndarë në mënyrë masive. Nuk janë patronazhista, janë fuksat që kanë njohur populli shqiptar për 50 vite gjatë regjimit të kaluar”, tha Meta.
“Shumë shpejt prova serioze se pse patronazhistët janë fuksa dhe ky është sistemi i Gestapos për të dhunuar ata që kanë qëndrim ndryshe dhe si monitorohen në rrjetet sociale. E tmerrshme të shikosh si patronazhisti pasi verifikon përkatësinë politike shikohen rrjetet sociale dhe nëse ka postime kundër pushtetit, atëherë hetohet çfarë problemi ka kundërshtari – me patentat, tatimet, etj, dhe i bëhet e ditur se ky problem mund ti zgjidhet duke u përcaktuar në një drejtim tjetër politik, të pushtetit. Një skemë skandaloze, e ka bërë Gestapo të gjë”, theksoi kreu i shtetit.
Ai tha se përdorimi i të dhënave është një veprim mafioz e i papërgjegjshëm. “Si president jam i shqetësuar dhe të aspektin e sigurisë dhe të drejtave të qytetarëve”, shtoi.
“Në një shtet të së drejtës do kishte arrestime, dorëheqje e falje publike”, deklaroi Meta.
Meta bëri një apel edhe për patronazhisët e PS: Patronazhistë jepni dorëheqjen se do krijohen konflikte sociale!
