Emri i Gazmend Bardhi është përmendur së fundmi në media si pjesë e kabinetit të qeverisë Basha, nëse Partia Demokratike arrin të sigurojë votat e nevojshme për të formuar qeverinë e re pas 25 Prillit.
Sekretari i Përgjithshëm të PD-së, gjatë një interviste televizive këtë të Shtunë, u pyet se cila do të ishte lëvizja e parë që do të bënte nëse në qeverinë e re, nëse do të merrte detyrën e ministrit të Brendshëm.
Sekretari i Përgjithshëm të PD-së nuk mohoi në asnjë moment se mund të mos jetë në këtë post, por iu përgjigj pyetjes duke thënë se “do bëj goditje ndaj krimit të organizuar dhe korrupsionit”.
Shqipëria ka një sfidë si dhënia fund e kulturës së pandëshkueshmërisë, shtoi ai.
Gazmend Bardhi, drejtuesi politik i Qarkut të Elbasanit dhe kandidat për deputetet në këtë qark, ka qenë ministër teknik i përkohshëm pas marrëveshjes së Ramës me Bashën më 17 Maj 2017, para zgjedhjeve të fundit parlamentare.
