Kryeministri Edi Rama mori sot në mbrojtje patronazhistët, personat që duke përdorur të dhënat personale, kanë survejuar qytetarët me të drejtë vote, duke i ndarë në mbështetës, kundërshtarë apo të pasigurtë për Rilindjen.
Nëse lexon rubrikën “komente” që mbushet nga patronazhistët, gjuha e përdorur prej tyre është një racizëm i pastër ndaj komunitetit rom dhe egjiptian, që cilësohen si dora e zezë.
“Njeriu i memeve”, sikundër njihet Gent Sejko, ka bërë një denoncim të fortë këtë të shtunë duke publikuar disa komente skandaloze të patronazhistëve të Ramës për komunitetin rom dhe egjiptian në Shqipëri.
Të gjithë këta cilësohen me terma që edhe ligji dënon si; “dora e zezë”.
“Të majtë dhe racistë vetëm në Shqipëri gjen”, shkruan Sejko në foton ku pasqyrohen disa komente denigruese dhe raciste të patronazhistëve të PS për komunitetin egjiptian në Tiranë.
