Një biznes është vjedhur gjatë natës në Durrës. Lidhur me ngjarjen, policia ka arrestuar rojën e subjektit.
Autorët, ndërkohë, mbeten ende të paidentifikuar.
“Specialistët për Hetimin e Krimeve në Komisariatin e Policisë Durrës arrestuan në flagrancë, për veprën penale ‘Shpërdorim detyre’, shtetasin A. H., 58 vjeç, banues në Durrës, me detyrë roje private dhe operator i monitorimit të kamerave të sigurisë në një kompani private në lagjen nr. 14, Durrës, në pronësi të shtetasit A.D., 29 vjeç”, njoftoi policia.
“Gjatë natës, në lagjen nr. 14, Durrës, në ambientet e kësaj kompanie, persona ende të paidentifikuar kanë vjedhur një sasi vlere monetare, por shtetasi A.H. nuk ka monitoruar kamerat dhe nuk ka njoftuar Policinë”, shtuan të njëjtat burime.
