Të shtëna me armë zjarri janë shënuar pas mesnatës në Kavajë. Për pasojë është plagosur një person. Raportohet se ndodhet jashtë rrezikut për jetën.
Policia njoftoi se rreth orës 00:30, në lagjen nr.5, pas një konflikti për motive të dobëta, Emiljano Sina, 34 vjeç, dyshohet se ka qëlluar me armë zjarri në këmbë shtetasin Shkëlzen Shehu, 34 vjeç, i cili ndodhet në spital, jashtë rrezikut për jetën.
“Vijon kontrolli i zonës nga shërbimet e Komisariatit të Policisë Kavajë, për kapjen e shtetasit E.S., njoftoi policia, ndërsa shtoi se, grupi hetimor, në bashkëpunim me Prokurorinë, po punon për sqarimin e rrethanave të ngjarjes”.
