Një aksident me vdekje ka ndodhur këtë të Enjte në Divjakë, ku ka humbur jetën një vajzë 19 vjeçe.
Viktima është Elsa Meçi. Në aksident është plagosur dhe 25-vjeçari Vilson Hoxha, si dhe një 23-vjeçar.
Policia njoftoi se rreth orës 10:25, në rrugën nga Divjaka për në plazh, automjeti tip “Audi“ me drejtues 25-vjeçarin, banues në Divjakë, ka dalë nga rruga.
Për pasojë, ka ndërruar jetë pasagjerja në mjet, 19-vjeçarja banuese në Zharrnec.
Po ashtu, janë dëmtuar drejtuesi i mjetit dhe pasagjeri tjetër në makinë – D.C., 23 vjeç, banues në Vlorë. Të dy ndodhen në spitalin e Lushnjes nën kujdesin e mjekëve.
Grupi hetimor po punon për zbardhjen e plotë të ngjarjes.
