Janë mbyllur 45 minutat e para të dy sfidave të vlefshme për gjysmëfinalet e Kupës së Shqipërisë.
Vllaznia kryeson 1-0 ndaj Laçit me shkodranët që kanë marrë avantazhin në minutën e 22-të. Pas një harkimi nga këndi nga ana e Da Silvës, Ardit Hoxhaj, godet saktë me kokë, duke kaluar në avantazh skuadrën e tij.
Në Durrës, Teuta, gjendet në disavantazhin e dy golave ndaj Skënderbeut me korçarët që kanë zhbllokuar takimin që në minutën e 2-të falë një 11-metërshi të konvertuar në gol nga Meksi. Sulmuesi tregohet gjakftohtë duke e dërguar topin në krahun tjetër të portierit.
Dyfishimi i rezultatit erdhi në fundin e pjesës së parë me autor të golit Berishwn. Sulmuesi shkëputet bukur dhe dyfishon shifrat, por bën diçka të pabesueshme. Fieraku shkon të festojë me shokët dhe heq fanellë, por e kishte një karton të verdhë dhe ndëshkohet me të kuq.
