Këngëtarja e famshme me origjinë shqiptare, Dua Lipa, ka pushtuar kopertinat e revistave më prestigjioze në botë, por tashmë mund ta shohim dhe në një revistë shqiptare.
Dua ka bërë një rrëfim për revistën “Global Woman”. Lajmin e ka bërë me dije kryeredaktorja e revistës përmes një postimi në rrjete sociale.
“Sot është padiskutim një ndër divat ndërkombëtare të muzikës botërore dhe ne s’mund të jemi më krenar që Dua Lipa vjen në Global Woman!!! Një histori frymëzimi, në një rrëfim ekskluziv për Global Woman, vjen si asnjëherë më parë në mediat shqiptare ndoshta shqiptarja më e famshme në botë. Një kopertinë që na shton përgjegjësinë, por edhe na rrit profesionalisht, ndërkombëtarisht, moralisht.”, ka shkruar ajo.
