Kreu demokrat Lulzim Basha e quajti Kryeministrin Edi Rama një burracak që ka frikë të përballet me qytetarët shqiptarë.
Në takimin e zhvilluar në Paskuqan, Basha tha se Edi Rama ka frikë të përballet sepse në 8 vitet e qeverisjes së tij i mashtroi, i varfëroi dhe nuk i dha shpresë, duke i detyruar që të largohen.
“Janë me qindra socialistë të ndershëm që i janë bashkuar dhe po i bashkohen ndryshimit të madh, që do të vijë më 25 prill me votën e qytetarëve shqiptarë.
Ndryshimi do të hapë rrugën drejt BE-së. Vota për ndryshim na ka bashkuar si asnjëherë më parë, ka bashkuar demokratët dhe socialistët. Vetëm ju mund ta sillni ndryshimin duke votuar nr 9”, tha Basha.
Ai u bëri thirrje qytetarëve që të votojnë më 25 prill ndryshimin, duke i dhënë fund largimit të shqiptarëve nga vendi dhe rikthimit të shpresës.
