Sistemi VAR nuk është aplikuar akoma në Shqipëri. Fjala e fundit e teknologjisë sportive synohet se do jetë pjesë e Kategorisë Superiore, që nga sezoni i ardhshëm.
Shefi i Sektorit të Garave, Sokol Jareci ka pohuar se testet do fillojnë që nga muaji i ardhshëm. Jareci thekson se aktualisht jemi në gjysmën e punës, me rrugën që do jetë e gjatë.
“Ne jemi në gjysmën e punës dhe besoj nga muaji Maj do të fillojmë më pjesën e fushës. Ku do të jetë infrastruktura në një minivan. Do të aplikojmë disa ndeshje me fëmijë ku situatat do të krijohen nga sektori jonë dhe vendimet do të merren nga zyrtarët që janë minivan. Momentalisht transmetojnë me 5 deri 6 kamera dhe në ndeshje të caktuara shtohen që është një benefit më i madh. Testi zyrtar do të jetë Superkupa dhe në javën pasuese do të jenë të gjitha ndeshjet e Kategorisë Superiore” – tha ai.
