Presidenti i PSG-së, Naser Al Khelaifi është shfaqur shumë i lumtur për kualifikimin e skuadrës së tij në gjysmëfinalen e Ligës së Kampioneve. Pas përfundimit të ndeshjes me Bajernin, numri 1 i klubit francez është shprehur se objektivi është fitimi i trofeut në fund.
Ishte një natë fantastike për ne. Mund të kishim shënuar 3 ose 4 gola, bëmë diçka të mrekullueshme. Unë jam krenar për lojtarët e mi. Qëllimi është të fitojmë trofeun e Ligës së Kampioneve në fund.
Për vitin e dytë radhazi shkojmë në gjysmëfinalen e këtij kompeticioni dhe ky është një sukses i madh. Nejmar? Do të qëndrojë me ne për një kohë të gjatë”, tha Al Khelaifi.
