Një 60-vjeçar ka mbetur i plagosur me thikë në Gjirokastër këtë të Hënë.
Në vazhdën e një konflikti me një 57-vjeçar, 60-vjeçari u qëllua me thikë , njoftoi policia.
Ai u transportua në spitalin rajonal dhe raportohet se ndodhet jashtë rrezikut për jetën, ndërsa autori u shoqërua.
“Rreth orës 13:10, në lagjen ‘Pazari i Vjetër’, pas një konflikti të çastit, shtetasi A. N., 57 vjeç, ka goditur me mjet të mprehtë shtetasin I. R., rreth 60 vjeç, i cili u transportua për në Spitalin Rajonal Gjirokastër, ku ndodhet jashtë rrezikut për jetën. Menjëherë në vendngjarje shkuan shërbimet e Policisë dhe bënë të mundur kapjen e autorit, të cilin po e shoqërojnë për në ambientet e Komisariatit të Policisë Gjirokastër, për të vijuar me procedurat e mëtejshme”, njoftoi policia.
Në vendngjarje ndodhet grupi hetimor dhe po punon për zbardhjen e rrethanave të ngjarjes, shtuan të njëjtat burime.
