Një i ri është vënë në pranga nga policia e Vlorës, pasi në banesën e tij janë fjetur doza me kanabis dhe një snajper.
Policia njoftoi këtë të Hënë se bazuar në informacionet e marra në rrugë operative se në lagjen “Partizani”, një shtetas mbante në banesë armë zjarri pa leje, si dhe ushtronte veprimtari kriminale në fushën e shpërndarjes së lëndëve narkotike, u organizua dhe u finalizua operacioni policor i koduar “SIG”, si rezultat i të cilit u bë kapja dhe arrestimi i shtetasit K. Xh., 29 vjeç.
Gjatë kontrollit të ushtruar në banesën e këtij shtetasi, shërbimet e Policisë kanë gjetur dhe sekuestruar në cilësinë e provës materiale dhjetëra doza me lëndë narkotike të dyshuar kanabis, një armë zjarri snajper, 64 fishekë dhe një palë dylbi optike.
