Kreu i Partisë Demokratike, Lulzim Basha u ndal sot në zonën e Freskut në kryeqytet.
Kreu i demokratëve ka zhvilluar takime me bizneset në këtë zonë.
Basha tha ndër të tjera se ndryshimi do të vijë për çdo familje shqiptare.
“25 prilli do të jetë dita që do të votoni për një shtet që do ju trajtojë si partnerë në zhvillimin e vendit. Për të gjithë biznesin që ka tetë vjet që vuan unë kam një mesazh votë për nr.9 do të thotë votë për shpëtimin e ekonomisë dhe taksa të ulëta. Ndryshimi do të vijë për çdo familje shqiptare. Nuk ka ndryshim pa larguar këtë qeveri më 25 prill,” tha Basha.
Gjatë bisedën me një farmacist, kryedemokrati theksoi edhe njëherë se do të bëjnë të mundur rimbursimin e të gjithë të prekurve nga Covid.
“E domosdoshme të rimbursojmë familjet që janë goditur nga Covidi. Bëhet fjalë për hdjetëra mijëra familje. Po përgatisim një paketë për rimbursimin e tyre. Do të flasim edhe me urdhrin e farmacistëve që të bëjmë të mundur një paketë rinbursimi,” tha Basha.
