Drejtuesi politik i PD në Qarkun e Durrësit, Edi Paloka, gjatë një takimi në Shkallnur, tha se Qeveria Rama ka treguar indiferencë ndaj qytetarëve të ardhur nga zonat e tjera!
Paloka u shpreh se PD refuzon diskriminimin, ndërsa shtoi se programi i saj garanton investime për çdo fshat.
Gjatë takimit Paloka theksoi pakënaqësinë që ka krijuar tashmë Rama si kryeministër, gjë që duket qartë në këto zona.
“Nëse nuk kemi kushtet elementare si ujë, rrugë, drita, kanalizimet, pra gjithçka që lidhet me jetën tonë të përditshme, atëherë nuk kemo pse e quajmë jetë më të mirë. Unë shoh që ju keni punuar dhe me mundin tuaj keni bërë vet gjithçka, por nuk ju është kthyer as nga qeveria as nga pushteti lokal”, tha Paloka.
Ai u shpreh besimplotë se me ardhjen e Partisë Demokratike në pushtet, do të zgjidhen një pjesë e madhe e problemeve me të cilat këta banorë hasen prej vitesh në zonat rurale.
