Janë mbyllur pjesët e para të dy sfidave të orës 16:00 të vlefshme për javën e 27-të të Kategorisë Superiore.
Në supersfidën Laçi-Vllaznia nuk ka pasur gola ndërsa skuadrat i janë drejtuar dhomave të zhveshjes me rezultatin 0-0. 45 minutat e para janë karakterizuar nga një dominim i miqve teksa janë shfaqur më agresivë duke kërkuar me ngulm golin e epërsisë.
Nga krahu tjetër edhe Laçi është kundërpërgjigjur disa me herë duke rrezikuar portën e mbrojtur nga Zogovic por pa arritur te goli.
Sfida tjetër mes Apolonisë dhe Teutës është zhbllokuar në minutën e 19-të teksa Lorenco Vila ka kaluar në avantazh durrsakët. Sulmuesi 22-vjeçar teksa pasi merr një top të shkëlqyer nga Blerim Krasniqi, nuk e ka të vështirë ta dërgojë topin në rrjetë.
